Новости

9 мамыр – Ұлы Жеңіс Күнімен шын жүректен құттықтаймыз! Бүгінгі ұрпақ аға буын-ардагерлер танытқан қаһармандық пен қайсарлықтан үлгі алып, бой түзейді. Осынау ерлікке толы күн тарихымыздың мәңгілік ұмытылмас парағы болып қала бермек.

Баршаңыздың дендеріңізге саулық, шаңырақтарыңызға шаттық, бақ пен береке тілейміз!

Нұр-Сұлтан қаласы білім беру ұйымдарының «Ұлттық дәстүрлер» көркемөнерпаздарының қалалық байқау-сайысы өтті. Байқауды ұйымдастырушылар Нұр-Сұлтан қалалық білім басқармасы, Нұр-Сұлтан қаласының білім беру қызметкерлерінің кәсіподағы болып табылды. Мекеме атынан логопед-мұғалімі Тоғызбаева Мамыр Усеновна вокалды-хор жанры (соло) бойынша сайысқа түсіп алғыс хатпен марапатталды. Іс-шара жоғары деңгейде ұйымдастырылған, зор алғысымызды білдіреміз.

Білім беруді жаңғырту орталығы және «№2 Оңалту орталығы» КММ бірлесе отырып ерекше білім беруге қажеттіліктері бар балалармен жұмыс істейтін бастауыш сынып мұғалімдеріне арналған семинар-практикум ұйымдастырды.

Тақырыбы: «Ерекше білім беруге қажеттіліктері бар балалармен түзету-дамыту жұмыстарына кешенді нейропсихологиялық көзқарас».

Негізгі мақсаты: жалпы білім беретін мектеп мұғалімдеріне ерекше балалармен жұмыс істеу ерекшеліктері туралы ақпарат беру.

Семинарда ерекше білім беруді қажет ететін балаларды оқыту мен тәрбиелеудің өзекті мәселелер:

– жұмыс жасауда қолданылатын заманауи құралдар;

– нейропсихологиялық коррекцияны ұйымдастырудың әдістері мен тәсілдері;

– ерекше білім беруді қажет ететін балалардың ата-аналарымен бірлескен жұмыс түрлері қарастырылды.

"Қамқорлықтың арқасында біз өрлейміз" атты логопед мамандарының онкүндігі аяқталды. Ата- аналарға топтық кеңестер, балалармен ашық сабақтар және әр түрлі логопедиялық ойындар өткізілді. Әріптестерімен өздерінің іс-тәжірибелерімен бөлісті.

Көптен күткен жыл сайынғы логопедтердің «Қамқорлықтың арқасында біз өрлейміз» декадасы басталды.

Негізгі мақсат – балалардың логопедиялық сабақтарға қызығушылығын белсендіру, ата-аналармен жұмыс, сондай-ақ орталықтың әріптестерімен тәжірибе алмасу.

«ҚР Білім және ғылым министрлігінің Балалардың құқықтарын қорғау комитеті» қолдауымен «Шексіз шығармашылық» республикалық байқауы қашықтан өткізілді. Педагог-психолог Мәжит Анар Жангелдіқызының жетекшілігімен "Алтын қолдар" сәндік- қолданбалы өнер номинациясы бойынша Батченко Максим *I дәрежелі* диплом. "Қазақстан-менің Алтын бесігім" номинациясы бойынша педагог-психолог Қалдыбай Аружан Ғалымжанқызының жетекшілігімен Қуанышкызы Шадияра *III дәрежелі* диплом. Жетекшілеріне алғыс хаттар жарияланды.

2 сәуір –Дүниежүзілік аутизм мәселесі туралы ақпарат тарату күні

Орталығымызда жыл сайын бұл күні аутизм мәселесіне назар аударуға бағытталған іс-шаралар өткізіледі. Бұл күнгі жәрмеңкелер, оның ішінде, аутизм және басқа да ерекше білім алу қажеттіліктері бар балаларды әлеуметтендіруге бағытталған: "Word Autism Awareness Day" тақырыбында қабырғаларды ресімдеу, аутизм туралы буклеттерді тарату жұмыстары жасалды. Орталық мамандары ата-аналарға ерекше балалардың коммуникациялық қабілеттерін дамытуға және т.б. көмек көрсету мәселелері бойынша ақпараттық-кеңестік қолдау көрсетті. Іс - шара барысында ата-аналармен аутизмі бар балаларға арналған түрлі ойындар мен жаттығулар жүргізілді. Алғаш келген ата-аналармен символдық «көк алақан» қолөнері жасалды. Іс шара соңында балаларға арналған ойын бағдарламасы өткізілді.

2 апреля- Всемирный день распространения информации о проблеме аутизма.

Дәстүр бойынша Ұлыстың ұлы күні- Наурыз мерекесін орталығымызда атап өттік. Арнайы ұйымдастырылған мерекелік іс-шарада балалармен қызметкерлер өз өнерлерін ортаға салып,би-билеп, ән айтылды. Осы ұлы күнге байланысты халықтың әдет-ғұрыптары мен салт-дәстүрлері "Қыз қуу", "Бесікке салу", "Тұсау кесер" жасалып, ұлттық ойындар ойналды. Қыдыр ата мен Наурыз әже келіп баталарын берді. Балалар қазақы нақыштағы киімдерімен мерекенің шырайын келтірді.

№2 Оңалту орталығы ҚММ филиалында «Наурыз»мейрамы атты тамаша шара өтті. Мамандар №20 орта мектептің кішкентай өнерпаздарымен және олардың ұстаздарымен бірлесе отырып, балаларға арнап ерекше көктем мерекесін ұйымдастырды: «Қыз қуу», «Арқан тарту» ұлттық ойындары, тақпақтар, өлеңдер кеште ешкімді бей-жай қалдырмады. Мерекені ұйымдастырушыларға алғыс білдірген ата-аналардың жылы лебіздері естілді.

Дефектологтардың қызықты және танымдық онкүндігі аяқталуда! Барлық іс-шаралар жақсы дайындалып, ата-аналар мен балаларға үлкен әсер қалдырды. Олардың әрқайсысы онкүндікте өткен барлық шаралардың белсенді қатысушысы болып, түрлі іс-шараларда өзін сынай білді. Мамандар көптеген оң пікірлер мен тілектерді естіді!